वॉरन बफे नावाची जादू
हे माझ्या मराठी मित्र-मैत्रिणी , बंधू आणि भगिनींसाठी आहे . ज्यांना श्रीमंत व्हायची जबरदस्त आंतरिक इच्छा आहे .
या व्यक्तीविषयी मी काय सांगावे . सगळ्या जगावर हि व्यक्ती राज्य करते .वयाच्या अकराव्या वर्षी गुंतवणूक करणारे वॉरन बफेना आपण खूप उशिरा गुंतवणूक सुरु केली असे वाटते. वॉरन बफे कितीतरी जणांचे प्रेरणा स्त्रोत आहेत . काही गोष्टी जगात एकामाद्वितीय असतात . त्यांचे अनुकरण करताही येते, पण त्यांच्यासारखे मोठे होता येत नाही.
स्वप्नंच पहायची तर मोठी पहावीत . आपल्या आजूबाजूला पण अशीच मोठीच स्वप्ने पेरावीत. श्रीमंत करुनी सोडावे सकळीका.
एक सुंदर ,सुदृढ ,समृद्ध ,समाधानी ,प्रेममयी सामाजिक वातावरण तयार करायचे असेल तर अशा बऱ्याच गोष्टी वैयक्तिक पातळीवर न होता सामाजिक व्हावयास हव्यात . तरच सामाजिक अराजकतेला आळा बसू शकेल.
वॉरन बफे सांगत असतात कि स्वत:वर पैसे खर्च करा . नवनवीन गोष्टी शिका ,स्वत:चे ज्ञान वाढवा . स्वत:ची किमंत वाढली पाहिजे . सर्वांना तुम्ही हवेहवेसे वाटले पाहिजे . आतापासून दहा -वीस वर्षांनी तुम्ही काय असलेले तुम्हाला आवडेल त्याचा विचार आजच करा .
त्यांचे अनुभव शिकावे आणि आपण आपला मार्ग निवडावा .
वृक्ष लावणारे निघुनिया जाती
तळी विसावती सान थोर!
वरील ओळी सर्वांनाच लागू पडतात . आपले जीवन क्षणभंगूर आहे . आपण मेल्यावर आपल्या मागे आपल्या नातेवाईकानी आपल्याला काय म्हणून आठवणीत ठेवावे हे प्रत्येकाने ठरवावे .
आपली स्वप्ने पूर्ण करण्यासाठी शेअर मार्केट सदैव तयार आहे . शेअर बाजारावर करोडो लोकांचे संसार चालतात . आपल्यासाठी वेगळे नियम नाहीत .
फक्त हिम्मत करून शेअर बाजारात उतरण्याची गरज आहे. सव्वा कोटी जनतेत असंख्य वॉरन बफे तयार होतील. सुरुवात मराठी माणसाकडून होईल कदाचित.
No comments:
Post a Comment